Kreu i Organizatë Botërore të Shëndetësisë, Tedros Adhanom Ghebreyesus është shprehur se lajmi për vaksinën e tretë anti-Covid i ka rritur më shumë shpresat për shpëtuar nga virusi Sars Cov 2.
Në një intervistë për mediat ndërkombëtare, ai ka thënë se drita në fund të tunelit është po rritet më shumë dita-ditës.
Më tej, Ghebreyesus shtoi se çdo qeveri duhet të siguroj që shpërndarja e vaksinave të jetë në mënyrë të barabartë.
Ai gjithashtu vuri në dukje edhe shpejtësinë rekord që u prodhuan këto vaksina.
“Me lajmet e fundit pozitive nga provat e vaksinave, drita në fund të këtij tuneli të gjatë dhe të errët po rritet edhe më shumë. Tani ekziston shpresa e vërtetë që vaksinat në kombinim me masa të tjera të provuara dhe të testuara të shëndetit publik, do të ndihmojnë për t’i dhënë fund pandemisë. Rëndësia e kësaj arritje shkencore nuk mund të mbivlerësohet. Asnjë vaksinë në histori nuk është zhvilluar aq shpejt sa këto,” u shpreh ai.
