Pas një zhurme të madhe në media e johona që pati në mbarë opinionin publik, duket se nuk kanë patur aspak një ndërgjegjësim duke liruar autorin e aksidentit të Xhesina Gegës.
Djali i ish-zv.drejtorit të policisë, Erzen Breçani, pasi i preu këmbën të resë në aksident, tashmë është i lirë. 19-vjeçari Jehon Breçani, autori i aksidentit në rrugën “Xhanfize Keko” në Tiranë, tashmë ndodhet në banesë.
Pas aksidentit, ndaj Jehon Breçanit u dha masa e sigurisë “arrest me burg” teksa ai ndodhej i shtruar në spitalin e Traumës, duke patur disa probleme shëndetësore për shkak të përplasjes së fortë.
Ndërkohë që Breçani shërohej, gjykata e shkallës së parë ndërroi masën e sigurisë nga “arrest me burg” në “arrest shtëpie” nisur nga gjendja shëndetësore e tij. Pas rikuperimit të shëndetit të tij, Breçani ka lënë ambientet e spitalit, duke shkuar në shtëpi në një masë sigurie më të lehtë.
Breçani përplasi me makinë 23-vjeçaren Xhesina Gega, e cila ka mbetur pa njërën këmbë. E reja ka qenë duke ecur në trotuar, kur 19-vjeçari ka humbur drejtimin e makinës luksoze tip “Benz”, që i jepte me shpejtësi duke e përplasur dhe duke i këputur njërën këmbë e duke i shkaktuar plagë të rënda në trup dhe fytyrë. Jehon Breçani ka humbur kontrollin e makinës, duke u përplasur fillimisht me murin, më pas me një pemë dhe më pas ka goditur 23-vjeçaren që ndodhej në trotuar.
