Familja e vajzës së përdhunuar nga roja e shkollës dhe 3 shokët, mësohet se është larguar nga lagjja ku jetonte. Ajo ka shkuar në një qytet tjetër. Lajmin e ka përcjellë drejtoresha e Përgjithshme e Politikave në Ministrinë e Shëndetësisë, Merita Xhafaj, në mbledhjen e “Aleancës së Grave Deputete”. Ajo ka shtuar më tej se ky ishte vendimi më i mirë, pasi 15-vjeçarja jetonte në një pallat me abuzuesit.
“Vajza sot është në rrezik për krim, pasi brenda një hyrje në pallat, në katin e dytë banon dhunuesi dhe djemtë e tij rrinë te shkallët, dhe në katin e 3 banon familja me vajzën.
Është duke u dhënë ndihma mjeko-ligjore, që nga ora 12 e drekës pranë qendrës “Lilium” ku do të strehohet për 72 orë.
Ndërkohë pas shumë përpjekjesh me familjen, më në fund ka pranuar që të lëvizë”, tha Xhafaj.
Rasti është denoncuar fillimisht nga vajza e mitur, e cila është shantazhuar me video intime nga i moshuari, i cili ka qenë dhe roje në shkollën e saj.
