Destry Allen, vajza e regjisorit të njohur, Steven Spielberg, është fejuar me një aktor me origjinë shqiptare.
Bëhet fjalë për 23-vjeçarin, Genc Legrand, i cili është me origjinë nga Tetova por ka lindur në Zvicër. Çifti e ka bërë të ditur lajmin përmes llogarive të tyre në Instagram, ku edhe kanë ndarë një foto me unazën në gisht.
“Jam e fejuar! Jam shumë e emocionuar që do ta jetoj jetën me mikun tim më të mirë! Kjo është dita më e bukur e jetës sime. Të dua shumë”, shkruan 23-vjeçarja në postimin e saj.
https://www.instagram.com/p/CCMkeUnpStw/?utm_source=ig_web_copy_link
Genc Legrand u zhvendos në Los Angeles në SHBA, për të ndjekur karrierën e tij në aktrim. Ai u njoh me Destry në vitin 2017.
Ndërkohë, Legrand ka bashkëpunuar me Spielberg për filmin “West Side Story”, që pritet të dalë së shpejti në kinema.
