Vajza e gjyqtares Enkeleda Hoxha ka bërë një deklaratë të fortë në lidhje me mamanë e saj.
Ajo është shprehur se mamaja e saj ka qenë e detyruar të lirojë të dënuarit.
“Ka 16 vjet në Krujë, media po i dëmton imazhin, nuk ka në pronësi asnjë makinë e shtëpi. Media po i dëmton imazhin. Do marrim pjesë në seancën e mamit, mami është shumë e ndershme dhe e pastër, ka pasur një arsye të fortë për t’i liruar ata”, tha vajza për Report Tv.
Dy ditë më parë gjyqtarja Enkelejda Hoxha së bashku me 10 të tjerë janë arrestuar me urdhër të SPAK teksa ishin në seancën gjyqësore, ku kësaj here do t’i jepnin lirinë Sajmir Petanit i dënuar për vrasje.
Enkeleda Hoxha, është gjyqtarja e Krujës e cila ka firmosur lirimin nga burgu të anëtarit të bandës së Durrësit, Endrit Dokle, i cili ishte dënuar me burgim të përjetshëm.
Po ashtu, Hoxha ka liruar nga burgu Genc Tafilin, i dënuar për vrasjen e komisarit të Policisë Arben Zylyftari si dhe Ilir Pajës, të cilit i kishte mbetur mbi një vit dënim.
