E shtunë, 12 Qershor, 2021
26.5 C
Tirana

Ushqimet që mbrojnë shëndetin e trurit dhe rrisin jetëgjatësinë e njeriut

Gjithnjë e më shumë studime e vënë theksin tek ndryshimi në stilin e jetës për të mbrojtur trurin dhe trupin tonë nga sëmundje të tmerrshme, përfshirë Alzheimerin, sëmundjen e zemrës dhe shumë forma të kancerit.

Eksperti i njohur Geri Smoll, autor i librave “Dyjavë për një tru të ri” dhe “Shëndeti i mendjes dhe trupit”, thotë se sipas studiuesve në Universitetin e Kalifornisë në San Francisco, deri gjysma e rasteve të Alzheimerit i atribuohen potencialisht “faktorëve të rrezikut”.

Teksa plakemi, metabolizmi ynë bëhet më pak efikas, dhe është më pak i aftë për të zhdukur përbërjet e krijuara nga ai që quhet “stresi oksidativ”. Përbërësit toksikë të gjeneruar nga stresi oksidativ ndërtohen në mënyrë të qëndrueshme, duke dëmtuar ngadalë trurin dhe përfundimisht çojnë në simptoma të sëmundjes Alzheimer. Dëmtimi oksidativ gjithashtu mund të shkatërrojë organet tona, thonë ekspertët. Ja cilat janë ushqimet kryesore, për të mbrojtur trurin dhe trupin:

Peshku. Konsumi i peshkut i siguron trupit tonë një burim të mirë proteinash. Sidmos peshqit me vaj janë plot me yndyrna omega-3. Dr.Smoll rekomandon konsumimin e peshkut yndyror që mund ta mbrojë kujtesën, funksionin njohës dhe të parandalojë sëmundjen e Alzheimerit.

Manaferrat. Manaferrat shumëngjyrëshe janë antioksidantë të shkëlqyeshëm, ndaj është

e rëndësishme të hani shumëllojshmëri të tyre. Për shembull, boronicat përmbajnë antocianinën, e cila është vërtetuar se mbron trurin nga sëmundja e Alzheimerit, ndërsa luleshtrydhet kanë nivele të larta të vitaminës C, e cila është një molekulë antioksiduese, që është jetike për trurin.

Patatja e ëmbël. Banorët që jetojnë në Zonën Blu në Okinava të Japonisë, ku njerëzit jetojnë më gjatë, hanë shumë patate të ëmbla. Sidoqoftë, edhe patatet e tjera janë gjithashtu të pasura me antioksidantë që mbrojnë trupin dhe trurin tuaj nga dëmtimi i radikaleve të lira.

Perime dhe barishte të gjelbra. Dr.Smoll thotë se ngrënia e perimeve dhe bimëve si ato që gjenden në dietën mesdhetare, e zvogëlojnë rrezikun e sëmundjeve kronike. Perimet jeshile janë të pasura me vitamina A dhe C, folate dhe polifenole,të cilat i mbrojnë neuronet e trurit nga toksinat, dhe ndihmojnë në uljen e inflamacionit.

Panxhari. Kjo perime është një burim i shkëlqyeshëm i folatit dhe polifenoleve, si dhe bakrit, manganit dhe ushqyesve të tjerë që zvogëlojnë stresin oksidativ dhe inflamacionin. Panxhari përmban gjithashtu nitrate, të cilat mund të ndihmojnë në rritjen e fluksit të gjakut në tru, si dhe përmirëson funksionin njohës dhe zvogëlon rrezikun e demencës.

Vaji i ullirit. Sipas Klinikës Mayo, vaji i ullirit është i pasur me yndyrna të pangopura që mund të ndihmojë në uljen e niveleve të kolesterolit,që mund të shkaktojnë grumbullim të pllakave në arteriet tona, që mund të çojnë në goditje në tru dhe sulme në zemër.

Çokollata e zezë. Një studim i botuar në revistën “Scientific Reports”, zbuloi se kur të rriturit e shëndetshëm konsumojnë kakao të pasur me flavanol në formë pluhuri ose të çokollatës së zezë – 70 për qind është më e mira – truri i tyre merr oksigjenim të shtuar.

Drithërat integrale. Orizi kaf, elbi, gruri bullgur dhe makaronat me drithëra integrale përmbajnë vitaminë E, e cila mbron qelizat e trurit dhe trupit nga stresi oksidativ.

Burimi i lajmit: https://www.newsmax.com/health/health-news/brain-health-longevity-food/2021/04/29/id/1019484/

Përshtatur nga TIRANA TODAY

- Reklama -

Më shumë nga kategoria




Të fundit

Vlorë/ Po ndiqej nga policia, automjeti përplaset dhe përmbyset

Një aksident ka ndodhur pasditen e sotme në qytetin e Vlorës. Mësohet se një automjet nuk ndaloi gjatë postbllokut të policisë, dhe shoferi,  në...

Ushtarët e Antikrimit s’mund t’i hidhen krimit

Nga: Preç Zogaj Drejtësia e re me bashkautorësi amerikane dhe europiane, në konceptim dhe zbatim, të cilën unë e kam mbështetur e do të vazhdoj...

Asisti i Shaqirit nuk mjafton, Zvicra ndalet nga Uellsi (Video)

Përfundon ndeshja e dytë e kampionatit europian ''EURO 2020''. Ndeshja e vlefshme për grupin A, midis Uellsit dhe Zvicrës është mbyllur në barazim, me...

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...