Kreu i Bashkisë së Tiranës, Erion Veliaj, ka hedhur poshtë në mënyrë kategorike hipotezën nëse me urdhër të Ramës ka sulmuar FSHF-së. I ftuar në emisionin “Çim Peka Live” në Syri Tv, ai është pyetur nëse ka marrë urdhër nga Edi Rama për të sulmuar FSHF-në.
Çim Peka: Duhet të thuash se a ke marrë urdhër nga Rama, për të sulmuar FSHF-në?
Erion Veliaj: Jo, aspak. E di që dëshironi që të kem përplasje me Ramën.
Mirëpo, kjo gjë dëshirohet prej jush, por nuk është e vërtetë. Ky është mision i imi.
Kryetari i Tiranës Erjon Veliaj, e ka thënë edhe më herët se nuk ka armiqësi personale me Dukën, por kallzimin që kanë bërë në Prokurori do e bëjnë edhe në SPAK.
Nga ana tjetër, Presidenti i FIFA-s shprehu mbështetjen për Armand Dukën, pas vendosjes së tritolit në derën e shtëpisë së këtij të fundit.
Përmes një letre, Gianni Infantino tha se kreu i FSHF-së ka mbështetjen e futbollit ndërkombëtar, në këtë moment delikat.
Lajmin e bëri të ditur Federata Shqiptare e Futbollit, në faqen zyrtare në Facebook.
