Kryetarja e LSI-së, Monika Kryemadhi, e ulur këmbëkryq në rrugë, bashkë me protestuesit, dënoi dhunën e ushtruar nga policia kundër të rinjve, disa prej të cilëve u shoqëruan nëpër komisariate.
E pyetur në lidhje me protestat e opozitës, Kryemadhi u përgjigj: “Do të qëndroj me qytetarët, do të bëj detyrën time. Jam këtu për të protestuar aq sa kam mundësi. Nëse do të kem më shumë mundësi, do të bëj më shumë”.
Kryemadhi ka lëshuar një lum akuzash. “Unë do i haj veshin Edi Ramës. Jam e zhgënjyer nga politika, kjo histori nuk ka të bëj me zhgënjim politik. Më varni te kali i SKëndërbeut, të marr përgjegjësit të Ramiz Alisë, të Lulzim Bashës, Fatos Nanos, të Ilir Metës, të gjithë artistëve që janë rrogëtarë në Bashki. Unë marr përsipër në emër të 30 viteve tranzicion. Më kryqëzoni dhe të bien rehat dhe të laj të gjithë haqet e njerëzve”, tha Kryemadhi.
