Prishja e banesave është kthyer sërish në një mollë sherri mes gupeve të vlerësimit, dhe banorëve. Këta të fundit kanë krijuar një situatë të tensionuar, e ndërsa shprehen të vendosur se nuk do të lënë banesat e tyre. ARRSH është shprehur edhe më herët se banorët që kanë shtëpitë me legalizime do të kompensohen, ndërsa pjesa tjetër që është në proces, do të përfitojë bonus qiraje për tre vite. Kjo zgjidhje është cilësuar e papranueshme nga ana e banorëve.
Gjatë ditës së sotme, 4 grupe vlerësimi nga ARRSH kanë mbërritur në “Unazën e Re”. Grupet e vlerësimit janë të shoqëruar nga uniformat blu, për shkak të situatës të tensionuar që vijon prej disa ditësh me banorët.
Banorët nuk e kanë lënë me kaq, por kanë filluar të mblidhen dhe të kundërshtojnë grupet e inspektimit. Ata thonë se nuk do të lejojnë asnjë lloj punimi, pa u zgjidhur problemi i tyre dhe prezencën e grupeve të vlerësimit e kanë konsideruar provokim nga ana e qeverisë Rama.
Ata kanë patur dhe debat me grupet e vlerësimit, duke përzënë njërin prej tyre. “Ikën, u larguan ata, mbrojmë shtëpinë tonë. Ta harrojë se mund ta prishë shtëpinë”, tha njëri nga banorët për “Fax News”.
