Inspektorati Kombëtar i Mbrojtjes së Territorit (IKMT), njofton qytetarët për nisjen e një aksioni të ri, në kuadër të ndërtimit të “Unazës së Madhe”.
Siç bën me dije IKMT, aksioni nis sot nga Shkoza, loti dy.
“Nisim sot një aksion të ri në Shkozë, në kuadër të projektit për ndërtimin e “Unazës së Madhe”, loti dy. Do të prishim 16 objekte me madhësi të ndryshme…”, citohet në faqen zyrtare.
Nuk dihet nëse aksioni në fjalë do të shoqërohet me protesta dhe rezistencë nga ana e banorëve, apo do të vijojë normalisht.
Një ditë më parë, Policia e Tiranës ka proceduar penalisht kreun e PD, Lulzim Basha si dhe disa deputetë të tjerë të opozitës, për protestën te “Unaza e Re”, në datën 23 nëntor.
Gjithashtu janë proceduar edhe deputetët demokratë Ervin Salianji e Klevis Balliu.
