Kryedemokrati Basha ka qenë sot krah banorëve të zonës së Astirit, pas protestës që po mbajnë pasi banesat do ju prishen, si pjesë e projektit të Unazës së Madhe. Ai tha në një prononcim të shkurtër për mediat, se është ndjerë i shokuar kur është ballafaquar me dramën e këtyre njerëzve. Sipas Bashës, banorët po persekutohen dhe po vihen në një presion të madh psikologjik.
“Është fati i mbi 2 mijë banorëve, të cilëve e keqja ju ka trokitur në derë. E kam ndjekur përmes rrjeteve sociale dhe deputetëve të mi. Jam ndjerë i shokuar, por jo aq sa sot kur u ballafaqova me dramën e këtyre njerëzve. Po persekutohen dhe vihen në një presion të madh psikologjik“.
Basha kishte dhe një thirrje për të gjithë qytetarët: “Mos prisni t’ju vijë e keqja në pragun e shtëpisë, ejani këtu. Mbështesni këta banorë. Gjithçka është shkelur. Nuk ka asgjë të ligjshme. Kryeministri, shteti e ministrat kanë shkelur ligjin. E vetmja gjë e ligjshme është protesta e këtyre banorëve”.
