Kryetari i Komisionit të Ligjeve, Ulsi Manja i është përgjigjur presidentit Meta në lidhje me votimin e 2 kandidatëve për Gjykatën Kushtetuese.
I ftuar në emisionin “Real Story” në News24, Manja tha se radha përcakton kompetencën e ushtrimit të të drejtës për organin, por nuk përcakton kohën kur duhet të veprojë njëri organ dhe kur tjetri.
Sipas tij, situata ku Kushtetuesja ndodhet në kushte jonormale pasi ajo u boshatis nga vettingu.
Pjesë nga debati:
“Unë nuk e mendoj një debat mes Kuvendit dhe Presidentit, sepse në procesin e kompozimit të Gjykatës Kushtetuese jemi katër organeve kushtetuese, KED, që prodhon listat me kandidatët, Kuvendi i Shqipërisë, Presidenti i Republikës dhe Gjykata e Lartë. Pra, është një raport mes këtyre tre organeve dhe KED. KED ka sjell dy lista me katër emra. Kuvendi, brenda 30 ditëve që ka marrë listat, është në të drejtën e tij për të zgjedhur dy anëtarët e Gjykatës Kushtetuese. Edhe Presidenti me të njëjtën procedurë nga marrë nga KED dy lista me emrat.
Në fund të fundit organet kushtetuese të përfshira në këtë proces, pra të kompozimit të Gjykatës Kushtetuese, veprojnë në mënyrë të pavarur. Lidhur me radhën që pretendon presidenti, është e vërtetë. Kushtetua ka përcaktuar radhën e zgjedhjes së anëtarëve të Kushtetueses, sepse në proces janë tre institucione, Presidenti, Kuvendi dhe Gjykata e Lartë.
Dihet që anëtarët e Kushtetuese zgjidhen për mandat 9-vjeçar. Radha përcakton kompetencës e ushtrimit të të drejtës për organin, por nuk përcakton kohën kur duhet të veprojë njëri organ dhe kur tjetri. Aq më tepër, që radha në rastin konkret, nuk mund të zbatohet siç pretendon presidenti, sepse radha është përcaktuar në kushte normale të përtëritjes së Gjykatës Kushtetuese, dhe jo në situatën ku jemi ne, kur Kushtetuesja u boshatis nga Vettingu. Është një situatë jonormale.
Është bllokim i pastër. Kemi dhe absurditetin tjetër, kur afati kushtetues pezullohet me një letër. Afati as nuk mund të pezullohet, as të zgjatet. Presidenti kishte 30 ditë kohë për të ushtruar të drejtën e tij kushtetuese”.
Pse zgjodhët dy sot, në vend që të zgjidhnit vetëm një?
Sepse dy vakanca kishte.
