Një lajm i mirë vjen nga Maqedonia e Veriut, e cila gjatë 24 orëve të fundit ka regjistruar vetëm 11 raste të reja me koronavirus.
Sipas raportit të Ministrisë së Shëndetësisë, nga testimi i 450 mostrave, janë diagnostikuar vetëm 11 persona – shifër kjo më e ulëta në pesë muajt e fundit.
Ndërkohë, janë shënuar tre viktima nga koronavirusi, duke e çuar në 603 numrin total të vdekjeve që nga shpërthimi i pandemisë.
Deri më tani, Maqedonia e Veriut ka regjistruar më shumë se 14 mijë raste pozitive me COVID-19, prej të cilave 2.581 janë ende aktive.
