Prej disa ditësh, në vend ka filluar vaksinimi masiv i popullsisë kundër koronavirusit, duke sjellë edhe përmirësim të situatës epidemiologjike.
Në ditët e fundit, ka pasur një ulje të numrit të viktimave dhe të infektuarve me koronavirus, çka solli edhe lehtësimin e masave kufizuese nga Komiteti Teknik i Ekspertëve.
Por, kreu i Urgjencës Kombëtare, Skënder Brataj tha në një intervistë për ”Abc News”, se në javët në vijim mund të kemi përsëri lehtësim të masave.“Mund të ketë lirim masash edhe në javët e ardhshme”, tha ai.
Dita e zgjedhjeve mund te shkaktoje grumbullime te shumta, e megjithatë nëse respektohen masat rreziku është minimal, por Brataj nuk e përjashton një rritje të lehtë të infektimeve në fund të muajit prill.
“Zbatimi i masave, që do të jenë në organizimin e qendrave të votimit nuk mendoj se do të rrisin rrezikun e rritjes së infeksioneve. Ndoshta do të ketë një rritje në fund të muajit, fillim të majit për arsye të përhapjes së infeksioneve, fatin e mirë dhe të keq edhe të zgjedhjeve që po bëhen, ka shumë raste kur nuk po respektohen rregullat. Por nuk do të jetë në asnjë mënyrë si vala e parë dhe e dytë që kaluam”, u shpreh Brataj.
