Maqedonia e Veriut ka regjistruar një rënie të numrit të viktimave nga koronavirusi, gjatë 24 orëve të fundit.
Sipas autoriteteve shëndetësore, sot në vendin fqinj është shënuar vetëm një viktimë, teksa dje u regjistruan katër. Betejën me koronavirusin e ka humbur një 70-vjeçare nga Shkupi.
Ndërkohë, krahasuar me një ditë më parë, kemi një rritje të rasteve të reja. Gjatë 24 orëve të fundit, janë shënuar 109 raste në krahasim me 85 që u regjistruan një ditë më parë.
Në Shkup janë 20 raste, Kumanovë-16, Shtip-13, Kavadarc-1, Tetovë-3, Gostivar-10, Gjevgjeli-1, Radovish-2, Demir Hisar-1, Makedonski Brod-2, Vinicë-3, Sveti Nikollë-5, Kërçovë-7 dhe Negotinë-1.
Instituti i Shëndetit Publik në 24 orët e fundit ka regjistruar 422 pacientë të shëruar nga koronavirusi, prej tyre më së shumti në Shkup -137, Shtip 93, Strugë 36, Kumanovë dhe Gostivar me nga 28, Tetovë 23, etj.
