Ende nuk dihet zyrtarisht shkaku i helmimit masiv të banorëve të Bulqizës. Drejtori i Spitalit të qytetit verilindor, Hazis Jella, tha se 78 persona kanë përfunduar në spital.
Për të zbuluar shkakun, priten përgjigjet e analizave. Duke folur për “News 24”, Jella tha se shkalla e helmimit është e lehtë deri në mesatare. Situata është nën kontroll, dhe sipas mjekëve, gjendja e tyre është e normalizuar, por nëse do të ketë komplikacione, ata do të dërgohen në spitalin e Peshkopisë ose në Tiranë.
Ndërkohë Ndërmjarrja e Ujësjellësit në Bulqizë ka deklaruar se janë marrë analizat dhe janë dërguar në laborator, por do të duhet 48 orë për të marrë përgjigjet.
