Një shkollë 9-vjeçare është përmbytur ditën e sotme, ku uji arriti më shumë se një metër dhe bllokoj hyrjen në këtë shkollë.
Në oborrin e shkollës 9-vjeçare “Met Hasa” në Durrës uji pushtoi të gjithë oborrin , ndaj evakuimi i nxënësve është bërë i mundur nga ndërhyrja e forcave zjarrfikëse.
Por kjo shkollë nuk ishte e vetmja që pati këtë fat të keq, por i gjithë qyteti Durrësit, ishte nën pushtetin e ujit, pasi shumë rrugë ishin të bllokuara.
Situata më problematike është konstatuar në rrotullimin tek Stacioni i Trenit, lagja “4”, rruga pranë stadiumit, shëtitorja “Taulantia”, stadiumi si dhe në shëtitoren e Durrësit. Niveli i ujit arrinte deri në 40 centimetra, duke depërtuar mbi trotuare.
Prezencë të ujit ka dhe në zonat periferike, tradicionalisht të përmbytura sa herë që ka reshje intensive, siç është ish-Këneta, Spitallë dhe në zonën e plazhit.
