Pak pasi mediat greke zbardhen detaje nga marrëveshja që po diskuton Shqipëria dhe Greqia, ku ndër të tjera raportohet se kreu i diplomacise greke, Kotzias në një intervistë të dhënë në “ERT”, ka pranuar se pjese e rëndësishme e takimit kanë qenë për ujerat territoriale, në vijim të debatit për kufirin detar mes dy vendeve tona.
“Në këtë kuadër Shqipëria pranoi zgjerim të hapësirës ujore greke me 12 milje detare”- ka thënë Kotzias, cituar nga media greke. Maksimumi i lejuar nga Konventa e Kombeve të Bashkuara mbi Ligjin e Detit.
Për këtë lajm ka reaguar edhe kreu i grupit parlamentar te LSI Petrit Vasili, i cili në një postim ne rrjetet sociale shkruan:
“Kryeministri u çorr per kufirin detar me Greqine, tani te largohet se genjeu. Kryeministri ka klithur e uleritur deri ne neveri per ceshtjen e kufirit detar me Greqine. Gjeti edhe tradhetare e armiq te popullit. Po sot te gjithe mesuam se ujerat greke do te zgjerohen me 12 milje. Perfundimisht ky kryeminister mbetet genjeshtar pa sherim sic genjeu edhe per ceshtjen çame. Ka vetem nje keshille lidhur me kete individ, qe eshte sinonim i genjeshtres: MOS E BESONI!”
