Gazetarët shqiptarë të ekonomikë nga Kosova, Maqedonia por edhe nga Shqipëria morën çmimin “Vangjush Gambeta” për raportimin më të mirë ekonomik të botuar në këto tre vende gjatë vitit 2017, si dhe çmimet e karrierës në gazetari. Çmimet vjetore të gazetarëve u ndanë sot nga Unioni i Gazetareve Shqiptare.
Ceremonia e rastit u mbajt në Kosovë me pjesëmarrjen e gazetarëve më të mirë të ekonomisë por jo vetëm. Fituesit e çmimeve këtë vit ishin:
Evis Halili (Memedaliu)-Për shkrimin më të mirë ekonomik në shtypin e shkruar në Maqedoni. Vjollca Kongjoni- Për emisionin më të mirë audioviziv në Shqipëri
Blerina Hoxha-Për shkrimin më të mirë ekonomik në shtypin e shkruar në Shqipëri Enis Veliu- Për shkrimin më të mirë ekonomik në shtypin e shkruar në Kosovë
Ndërkohë, çmimi reportere e vitit shkoi për gazetaren Alma Çupi.
Gjithashtu, gjatë kësaj ceremonie janë ndarë edhe çmimet e karrierës in memoriam. Këtë vit dy çmime shkuan për gazetarin Ramiz Kelmendi (pas vdekjes) dhe çmimi i karritres për Shqipërinë shkoi për Andrea Stefanin (pas vdekjes).
Ishte bashkëshortja e Andrea Stefanit, ajo e cila mori në dorëzim këtë çmim të akorduar nga Unioni i Gazetarëve Shqiptarë, ndërsa gjatë ceremonisë nuk i fshehu emocionet.
Çmimi i Gazetarisë Ekonomike “Vangjush Gambeta” nisi që në vitin 2009 me mbështetjen e Japan Tobacco International.
