Ibrahim El Bouni ka bërë një performancë të shkëlqyer në debutimin e tij në ONE Super Series. Kikbokserit marokeno-holandez iu deshën vetëm 91 sekonda për ta rrëzuar në tokë Andre Meunier, në përballjen mes tyre në ONE: “Beteja për shpirtrat” të shtunën, 7 korrik.
El Bouni e kishte përgatitur mjaft mirë përballjen dhe ishte i vetëdijshëm se nhë fillim të përballjes do ti duhej të duronte disa sulme të egra nga Meunier. Dhe pikërisht ashtu ndodhi. Sulmet vinin nga të gjitha anët dhe holandezi po priste momentin e duhur për të goditur
Me Meunier që ishte hedhur në sulm në mënyrë agresive, El Bouni u tërhoq dhe e lejoi vrullin për të marrë në dorë gjithçka me një grusht të lëshuar mjaft mirë në kundërsulm, duke e rrëzuar në tokë luftëtarin nga Melbourne, Australi.
Meunier arriti të ngrihet sërish në këmbët, por nuk arriti të rezistonte dhe sërish përqafoi tapetin. Arbitri e ndali garën para se veterani 42-vjeçar të mund të përpiqej edhe të kthehej sërish në këmbë.
El Bouni ka synim dy garat e mëdha, ONE Lightweight Seria dhe Heavyweight Titles World, dhe me këtë nokaut të pabesueshëm është një shenjë e qartë se ai është në rrugën e duhur. Tani, me rekordin e tij në 37-6-1, ai nis karrierën e tij të ONE Super Series në mënyrë të pabesueshme.
