Përhapja e gjerë e koronavirusit ka vënë gjithë botën në alarm, duke bërë që shumë shtete të marrin masa të rrepta kufizuese.
Masat kufizuese lidhen më së shumti me distancimin social, pasi virusi vdekjeprurës mund të shpërndahet nëpërmjet kontaktit fizik.
Kështu që eventet e mëdha që mbledhin shumë njerëz kanë qenë të parat në listë që janë pezulluar. Mirëpo UEFA ka marrë një tjetër masë drastike, teksa njofton se i ka shtyrë zyrtarisht finalet e ‘Champions League’ për meshkuj dhe femra, si edhe ndeshjet për “Europa League”.
Finalet e mëdha ishin parashikuar respektivisht më 30 maj në Stamboll dhe 27 maj në Gdansk të Polonisë, ndërsa ajo e femrave më 24 maj në Vienë.
Qeveria e Futbollit Evropian nuk ka vendosur asnjë datë tjetër për momentin.
