Komiteti Ekzekutiv i UEFA miratuar planin për finalizimin e edicionit të ndërprerë të Kupave të Evropës.
Sfidat e Champions League do të luhen të gjitha në Lisbonë. Përballjet e mbetura në 1/8 e turneut Juventus-Lyon, Barcelona-Napoli, Bayern Mynih-Chelsea dhe Manchester City- Real Madrid, të luhen më 7 dhe 8 gusht.
Me plotësimin e fazës çerekfinale është parashikuar një format “final eight”, ku skuadrat do të luajnë me eliminim direkt.
Finalja e madhe do të luhet më 23 gusht, ndërsa për të mbyllur edicionin e Ligës së Evropës, UEFA ka zgjedhur që Gjermania të jetë vendi pritës i të gjitha sfidave.
Edhe ky turne do të finalizohet me eliminim direkt, teksa Duisburg, Gelsenkirchen, Dusseldorf dhe Koln janë katër qytetet e përcaktuar për të pritur përballjet e mbetura.
Po ashtu, UEFA ka vendosur që finalja e Superkupës së Evropës të zhvillohet në Budapest.
