Interi pëson humbjen e parë këtë sezon dhe ia shkakton pikërisht “macja e zezë”, Udinese. Pas kësaj disfatë ekipi i Spalletit mbetet në vendin e parë përkohësisht, pasi në rast fitoreje të Juventusit dhe Napolit ata do të përfundonin në vendin e tretë. Kjo ishte humbja e parë për zikaltërit këtë sezon dhe vjen në një ndeshje që e dominuan, por gabimet në mbrojtje që ishte dhe pika më e fortë e tyre bëri që të mposhten.
Ndeshja nisi në ritme të larta për vendasit, ku ushtruan presing ndaj kundërshtarit, por një gabim i Santon bëri që Udinese të kalonte në avantazh në minutën e 14’ me Lasagna. Festa nuk zgjat shumë pasi është Icardi që gjen golin e barazimit vetëm dy minuta pasi pësojnë, pas një krosimi në zonë të hedhur nga Candreva. Pjesa e mbetur Interi hidhet në sulm dhe e dominon lojën, por gabojnë në pasimin e fundit dhe nuk përbëjnë shumë rrezik për portën.
Edhe në pjesën e dytë janë zikaltërit që shfaqen të rrezikshëm dhe djemtë e Massimo Oddo që qëndrojnë pas duke u mbrojtur mjaft mirë. Një gabim sërish në mbrojtje nga Santon, që shkakton një penallti bën që miqtë të kalojnë sërish në avantazh. Ndërsa kur Interi ishte hedhur i gjithi në sulm për të barazuar rezultatin, golin e shënojnë miqtë me anë të një kundërsulmi perfekt.
Kjo ishte humbja e parë e zikaltërve për këtë sezon dhe vjen në një moment kur kanë një kalendarë mjaft të ngjeshur dhe ndeshje mjaft të rëndësishme. Për Udinesen ko ishte fitorja e tretë radhazi dhe arrijnë në kuotën e 21 pikëve në vendin e 11.
