Zbardhen të tjera detaje nga ekzekutimi mafioz që tronditi Durrësin mëngjesin e sotëm, ku mbeti i vrarë 40-vjeçari Mond Çekiçi.
Mësohet se ai udhëtonte në automjet me shoferin e tij, dhe se një tjetër automjet i ka prerë rrugën. Ndërkohë, shoferi i Keçit ka dalë nga makina për t’i pyetur se çfarë kishte ndodhur, një person nga mjeti tjetër ka qëlluar me breshëri në drejtim të Çekiçit.
Më pas, atentatorët janë larguar me një mjet tip ‘Benz’ me targa të vjedhura në Tiranë, i cili është braktisur dhe djegur nga autorët në Katund Sukth të Durrësit.
Mond Çekiçi konsiderohej nga policia e Durrësit si person me rrezikshmëri të lartë, pasi ishte pjesë e një grupi kriminal në Durrës.
Ai rezulton të jetë dënuar disa herë për akuzën e mbajtjes pa leje të armëve dhe kundërshtimit të forcave të policisë, duke u dënuar edhe me 2 vite burgim për armëmbajtje pa leje.
