Një i ri ka rënë në prangat e bluve të Tiranës, pasi u zinte pritë vajzave në Tiranë dhe i rrihte barbarisht. 29-vjeçari me inicialet D. T., ka dhunuar fizikisht shtetaset A. E. dhe D. D. Ky shtetas vuante nga depresioni dhe çrregullimet e ankthit.
Pas përfundimit të veprimeve proceduriale dhe udhëzimeve të Prokurorit, ky shtetas u dërgua në Spitalin Nr.5 Tiranë, për trajtim të specializuar. Në rrjetet sociale ka patur disa denoncime për dhunë. Një vajzë raportonte se është dhunuar barbarisht nga ky person, të cilin nuk e njihte. Ai i ndalonte vajzat në rrugë, dhe i masakronte me grushte.
“Specialistët për Hetimin e Krimit në Komisariatin e Policisë Nr. 3 bënë procedimin në gjendje të lirë të shtetasit D. T., 29 vjeç, pasi ka dhunuar fizikisht shtetaset A. E. dhe D. D. Nga veprimet hetimore ka rezultuar se ky shtetas vuante nga depresioni dhe çrregullimet e ankthit. Pas përfundimit të veprimeve proceduriale dhe udhëzimeve të Prokurorit ky shtetas u dërgua në Spitalin Nr.5 Tiranë për trajtim të specializuar”, njofton policia.
