Një 27-vjeçar shqiptar, me banim në Terni alarmoi familjarët e tij, kur u largua nga banesa pa lënë gjurmë. Bëhet fjalë për 27-vjeçarin, Rehars Sina, i njohur si “Rey” , i ci,li ishte larguar të hënën nga banesa. Prindërit e kishin denoncuar zhdukjen e djalit në polici, pasi ishte larguar mbrëmjen e 22 Janarit dhe kishte fikur edhe telefonin.
Për ditë me radhë familjarët dhe miqtë e të riut nuk kishin asnjë të dhënë për vendndodhjen e tij deri mëngjesin e kësaj të premteje, kur Rey telefonoi prindërit. Sipas mediave fqinje, ai u kishte thënë atyre se është shëndoshë e mirë dhe se ndodhej në Romë.
Mbeten të paqarta arsyet e largimit pa gjurmë të të riut. Sipas dëshmisë së nënës së tij, 27-vjeçari kohët e fundit kishte nisur që të mos dilte më shpesh nga shtëpia dhe ishte larguar nga miqtë, e duket se pikërisht kjo sjellje i kishte alarmuar prindërit.
