Presidenti i Serbisë, Aleksandar Vuçiç ka folur në lidhje me përfitimet që do kenë popujt e shteteve që do bëjnë pjesë në ‘Shengenin Ballkanik’.
Gjatë fjalës së tij në samit, Vuçiç tha se vendet nuk do të mund të mbijetojnë dot pa këtë bashkëpunim. Vuçiç ka theksuar se nuk ka asnjë kusht për shtetet që do të duan të bëhen anëtarë.
“Pa këtë nuk mbijetojmë, kjo nuk shihet nga ata që nuk duan ta shohin, askush nuk mund të mbijetojë këtë jemi kaq të vegjël, kaq të parëndësishëm, po të mos i bëjmë tregjet tona të punës dhe ekonomike më të mëdha, më thoni një vend që nuk largohen çdo ditë njerëz, si do ti kthejmë këta njerëz ne, si do ti mbajmë njerëzit këtu duke krijuar atmosferë konflikti dhe lufte se na ndihmon politikisht. U zemërova me mikun tim Edi se duket se po mbrohemi, për çfarë duhet të mbrohemi? Të mbrohemi nga ata që duan të na shohim duke luftuar me njëri-tjetrin, apo të punojmë pranë njëri-tjetrit dhe të kemi të ardhme normale. Mbrëmë ne koncert u kënaqa, por u ndjeva i trishtuar, e njoha me mire kulturën shqiptare dhe e falënderoj Ramën që ma dha këtë mundësi. Më thoni një gjë të keqe nga ajo që po bëjmë ne këtu? Nuk marr rolin e padronit se unë mendoj se më e rëndësishme është ajo që mendojnë qytetarët, ç’të keqe ka që Serbia do të jetë në gjendje të ofrojë ndihmën e vet, një shtëpi për 100 familje shqiptare, do të ushqejmë shumë familje shqiptare, serbe e maqedonase duke krijuar vende pune pse duhet të kemi turp për këtë gjë?
Nuk ka kushte për asnjë të gjithë janë të mirëpritur, ne jemi në rrugën evropiane, ka kaluar 6 vite që nga bisedimet e pranimit, por ne varemi dhe duhet të varemi, ti lutemi zotit dhe pastaj atyre që të hapin dy tre kapituj? Nuk dua të poshtëroj as veten e as popullin tim, une i them popullit ne po e bëjmë punën dhe ju na vlerësoni, por kjo nuk varet më nga ne, por nga ata dhe rrethanat e tyre të brendshme.
Le të bëjmë ato që varen nga ne, dhe jo ato që nuk varen nga ne, mënyra se si ne e organizojmë rajonin varet nga ne jo fuqitë e mëdha”, tha ai.
