I është dhënë sot lamtumira e fundit, shqiptares 20 vjeçare, Sabrina Lekaj, e cila u vra nga babi i saj. U tha që arsyeja e vrasjes ishte për shkak se vajza kishte dalë me shoqërinë natën, por nuk dihen motivet e sakta të këtij krimi.
Ndërkohë, mediat australiane kanë pasqyruar momente nga ceremonia funebre, ku ishin të pranishëm më shumë se 300 qytetarë. Në funeral kanë qenë familjarët, të afërmit dhe fqinjët e 20-vjeçares, ndërsa mediat kanë kapur disa foto të vëllait të saj 11-vjeçar, Pyrrhus, nënës së saj Rominës, si dhe gjyshes.
Ngjarja e rëndë ndodhi muajin e kaluar, kur policia në Adelaide të Australisë Jugore gjeti të vdekur 20-vjeçaren shqiptare, Sabrina Lekaj, dhe të plagosur babanë e saj, Petrit Lekaj, 49 vjeç. Dyshohet se pasi goditi vajzën e tij, 49 vjeçari Lekaj ka tentuar të vrasë edhe veten e tij.
