Një 50-vjeçare ka vënë në alarm stafin mjekësor në Berat, pas shenjave të shfaqjes pas ardhjes së saj nga Italia. Gruaja në fjalë, identiteti i së cilës ende nuk bëhet me dije, prej disa ditësh kishte patur kollë dhe dhimbje fyti, por ka gënjyer përsonelin mjekësor për ardhjen e saj nga Italia një javë më parë.
Tashmë stafi mjekësor i Spitalit Rajonal Berat, është vetëkarantinuar. Lajmi në fjalë është konfirmuar nga Drejtoresha e Spitalit Rajonal Berat, Edlira Shkëmbi.
Janë marrë edhe mostrat e stafit mjekësor të Spitalit Rajonal Berat, që ishin në kontakt me pacienten, të cilët janë vetëizoluar deri në ardhjen e përgjigjes së analizave të tamponëve.
