Nënkryetari i LSI-së, Petrit Vasili është infektuar me Covid-19 dhe gjendet i shtruar në reanimacion në një spital privat.
Ndërkohë, ish-ministrja Klajda Gjosha ka treguar se gjendja shëndetësore e Vasilit është e mirë.
Ajo ka folur edhe për infektimin e familjes së saj, duke u shprehur se e di se ç’do të thotë të prekesh nga virusi dhe kostot financiare për t’u mjekuar.
“Është në gjendje të mirë shëndetësore, është një virus që i prek të gjithë pavarësisht se kush jemi, është përhapur në masë, ka marrë përmasa të jashtëzakonshme, ndaj duhet bërë maksimumi për parandalimin e kësaj situate se nuk janë bërë testime mjaftueshme. Jam prekur vetë në familjen time dhe e di se ca do të thotë të prekesh nga virusi dhe kostot financiare”, tha Gjosha në ‘Report Tv’.
