Gjatë ditës së sotme, Gjykata e Tiranës ka caktuar masën e sigurisë ndaj administratorit të Gega Oil, Paulin Gega.
Gegës i është caktuar masa ‘Detyrim për t’u paraqitur’, teksa mësohet se ai është vetëdorëzuar ditën e mërkurë.
Administratori Gega u shpall pak ditë më parë në kërkim nga policia, pasi ndaj tij rëndonin akuzat për evazion fiskal në përmasa të konsiderueshme.
Në një reagim për mediat, administratori i ‘Gega Oil’, tha se nuk ishte në arrati, por me pushime me familjen dhe se do të ishte i gatshëm për drejtësinë.
Pas këtij sqarimi për mediat, Gega i nisi një letër ministres së Ekonomisë dhe Financave, Anila Denaj, që të pastrohej emri i tij, duke i mohuar akuzat që rëndonin ndaj tij.
