Një ngjarje e rrallë është regjistruar në Rusi, teksa një pensioniste e cila ishte shpallur e vdekur nga mjekët është “ringjallur” në morg.
Zinaida Kononova, 81 vjeç, u shpall e vdekur pas një operacioni në zorrë, në spitalin e rajonit qendror të Gorshechensky.
Trupi i saj u vendos në morgun e spitalit në orën 1:10 të mëngjesit të 14 gushtit. Por rreth orës 8:00 të mëngjesit, punonjësja e turnit u tmerrua kur e gjeti të moshuarën në dysheme teksa përpiqej të ngrihej.
Shoferi i një ambulance kishte dëgjuar zhurmën dhe hyri në ndërtesë, ku kishte parë punonjësen “e terrorizuar” që i thoshte: “Qetësohu gjyshe, shtrihu, rri e qetë”.
Shoferi i ambulancës besonte se punonjësja ishte “çmendur” dhe se po fliste më të vdekurit, por më pas ai pa se gruaja e moshuar kapi dorën e punonjëses dhe i lutej për ndihmë.
Zinaida u mbulua më pas me batanije dhe u shtrua në kujdesin intensiv. Spitali i telefonoi mbesës së saj Tatiana duke i thënë: “Kemi një situatë të pazakontë. Halla juaj është gjallë!”
“Fillimisht ajo nuk më njohu dhe nuk mbante mend për operacionin. Por më fliste për një problem të vjetër me gjurin”, tha mbesa e saj.
Mjekët iu thanë familjarëve që 81-vjeçarja ishte dërguar në morg 1 orë e 20 minuta pas vdekjes, në vend të dy orëve siç diktojnë rregullat.
Kreu i spitalit të Gorshechensky, Roman Kondratenko është shkarkuar për incidentin.
“Për 30 minuta pacientja nuk reagoi ndaj masave të rindërgjegjësimit, prandaj doktori vendosi për vdekje biologjike”, tha mjeku Alexander Vlasov.
