Juli Briskman ka fituar një vend në bordin e mbikëqyrësve të qarkut Loudoun, në Virginia, në zgjedhjet e së martës.
Briskman humbi punën pasi fotografia e saj me gishtin e mesit drejtuar presidentit Trump, u bë virale në vitin 2017. Kjo fotografi ishte një pjesë kryesore e fushatës së saj, për të qenë në bordin e mbikëqyrësve të qarkut Virginia.
“Ishte thjesht një lloj veprimi që bëra nga biçikleta ime. Nuk kam asgjë, apo jo? Kjo është pothuajse e vetmja gjë që më duhej të shpreh mendimin tim. Ai nuk do të më dëgjonte ndryshe, prandaj vendosa ta bëj këtë gjë”, tha Briskman për ‘The Guardian’ në nëntor 2017.
Pas pushimit të menjëhershëm nga puna, Juli Briskman u ndihmua nga përdoruesit e rrjeteve sociale të cilët mblodhën 142 mijë dollarë për të. Briskman, humbi postin e drejtueses së marketingut pas tetë vjetësh për shkak të atij veprimi që bëri.
