Presidenti i Republikës, Ilir Meta nuk ka zgjedhur një anëtar të dytë për Gjykatën Kushtetuese.
Kreu i Shtetit i ka dërguar një shkresë Këshillit të Emërimeve në Drejtësi, institucioni që ka renditur kandidatet për anëtarë qe duhet të zgjedhë kreu i shtetit dhe Kuvendi.
Sipas “A2 CNN”,ai i ka kërkuar KED që ta pezullojë procesin të paktën për institucionin e Presidencës. Pasi sipas këtij institucioni, më parë duhet të vepronte Kuvendi dhe më pas Presidenti.
Nëse KED nuk vepron pas shkresës së Presidentit dhe deri në mesnatë nuk dërgon një emër, atëherë Arta Vorpsi zgjidhet automatikisht anëtare e Gjykatës Kushtetuese, pasi është e para në listën me pikëzim hartuar nga KED.
Seanca për votimin e anëtarit të Gjykatës Kushtetuese është përshpejtuar për datën 11 nëntor, nga 13 që ishte parashikuar.
