Armando Sadiku shkëlqeu mbrëmë në ndeshjen miqësore të Shqipërisë me Turqinë. Ai është autor i dy golave në sfidën e fituar mbrëmë me Turqinë në Antalya, me rezultat 2-3.
Pas ndeshjes, Sadiku u shpreh se në kombëtare mbizotëron një atmosferë mjaft e mirë dhe ka një mirëkuptim në fushë me lojtarët. Po ashtu, Sadiku vlerësoi edhe dy mbështetësit nga krahët në vijën e sulmit Roshin dhe Grezdën se ia bëjnë më të lehtë të shënojë.
Megjithatë, duhet thënë se Sadiku është një ndër golashënuesit më të mirë të Kombëtares Shqiptare.
Por ai nuk di të ndalet. Me anë të një postimi, Sadiku i falënderon të gjithë për mesazhet e dërguara, ndërsa shkruan se ekipi shqiptar duhet të vazhdojë në këtë rrugë për të realizuar sërish ëndrrën e Evropianit.
“Bravo çuna super performancë nga të gjithë mbrëmë. Ju falënderoj të gjithëve për sms-të e dërguara edhe urimet që më keni bërë. Të vazhdojmë në këtë rrugë për t’i përsëritur ëndrrat që i kemi bërë më parë së bashku! Faleminderit AS10″, shkruan në Facebook Sadiku.
