Është shtyrë vendimi për Marjana Çmetën, e cila helmoi vjehrrën e saj me helm. Mësohet se shkak për këtë është bërë mungesa e Prokurorit Besnik Muçi, pasi ky i fundit u emërua nga Presidenti si anëtar i Gjykatës Kushtetuese.
Nga ana tjetër, avokatët mbrojtës kanë kërkuar kohë pasi kanë nisur disa kërkesa, ndërsa ende nuk është njoftuar për prokurorin zëvendësues. Marjana Çmeta pritet të dënohet për vrasje për shkak të marrëdhënieve familjare, pasi dyshohet se ka helmuar dhe më pas mbytur vjehrrën e saj, Lirie Lami.
Të pranishëm në seancën e sotme, ishin e akuzuara Marjana Çmeta dhe ish-bashkëshorti i saj Oltjon Lami, në cilësinë e trashëgimtarit të viktimës.
Kujtojmë se Prokuroria në pretencën e saj ka kërkuar 35 vite burg, ndërsa seanca e radhës pritet të mbahet më 4 nëntor, ora 09:00.
Denonco ne TT