Një vajzë 20 vjeçare është bërë protestuesja e parë që humbi jetën gjatë protestave në Mianmar. Ajo u qëllua javën e kaluar në kokë teksa ishte duke protestuar si gjithë të tjerët në rrugë.
Mya Thwe Thwe Kaing, e cila mbushi 20 vjeç të enjten e kaluar, luftoi për jetën e saj për 10 ditë pasi u qëllua nga trupat e Mianmarit gjatë një demonstrate në kryeqytetin Naypyitaw më 9 Shkurt, shkruan Daily Mail.
Një imazh i protestueses, pasi u qëllua u shpërnda gjerësisht dhe vdekja e saj ka shkaktuar zemërim të mëtejshëm kundër autoriteteve.
Mianmari ka parë shumë ditë protestash pas një grushti shteti ushtarak i cili përmbysi qeverinë e zgjedhur të Aung San Suu Kyi.
Policia ka mohuar përdorimin e forcës në tubimin e 9 Shkurtit, por mjekët kanë thënë se dy protestues të tjerë po ashtu u dhunuan.
