Dy plumba i kanë marrë jetën biznesmenit Ruzhdi Hoxha, i cili u denoncua i zhdukur nga djali i tij mbrëmjen e 24 tetorit, dhe rezulton të jetë vrarë po atë ditë, pasi trupi i tij u gjet në gjendje të dekompozuar.
Policia gjeti trupin e pajetë të biznesmenit Ruzhdi Hoxha ditën e shtunë. 43-vjeçari, pronar i një biznesi inertesh në dalje të Kamzës, babai dy fëmijëve, u gjet i hedhur në një humnerë i mbuluar me gurë dhe zhavorr në Qafë-Mollë. Për shkak të terrenit të vështirë, u desh dhe ndërhyrja e FNSH-së, për nxjerrjen e trupit disa orë pasi u gjet.
Burime zyrtare nga grupi hetimor konfirmojnë se nga kqyrja e trupit në morg, ka rezultuar se biznesmeni është qëlluar me dy plumba, një në qafë e një në gjoks. Rrethanat e vrasjes se tij janë ende te paqarta, për shkak se nuk është siguruar ende dëshmia e të dyshuarit kryesor, Ferdinand Rrushi.
Sot atij do ti komunikohet akuza e “vrasjes me paramendim”, ndërsa të hënën 43 vjeçari Rrushi do merret ne pyetje nga oficerët e Krimeve te Renda. Policia zbuloi ne Malin me Gropa, trupin e pajetë te tij. Ruzhdi Hoxha u zbulua nga qentë gjurmues në një gremine te Qafë Mollës, pas malit e Dajtit, i mbuluar me zhavorr e gurë.
Pas hetimeve të policisë, Fredi Rrushi rezultoi të ishte një personat e fundit që kishte takuar Ruzhdi Hoxhën. Rrushi tha se e kishte lënë shokun e tij me makinë në Fushë-Mëzes, por kamerat e sigurisë zbuluan se ai kishte ikur në drejtim të Dajtit. Pak ditë më parë, një person denoncoi gjetjen e një celulari në afërsi të Shkollës së Bashkuar në Tiranë, i cili rezultoi të ishte i biznesmenit Hoxha.
