Komisioni i Ekonomisë ka rrëzuar sot dekretin e presidentit Meta, i cili propozonte emërimin e Petraq Milos, si kryetar i KLSH.
Pasi dëgjoi një prezantim të shkurtër, Komisioni vlerësoi se janë disa procedura dhe kritere që nuk janë përmbushur për dekretimin e Petraq Milos.
Deputetët socialistë thanë se z. Milo nuk e ka besimin e mazhorancës. Dekreti do të votohet më pas në seancë plenare.
Milo ka pasur disa pozicione në administratën shtetërore, mes të cilave këshilltar për çështjet ekonomike dhe fiskale i kryeministrit gjatë qeverisë së Sali Berishës kur ka qenë ne detyrë, dhe anëtar i Këshillit Mbikqyres i Bankës së Shqipërisë.
