Gjykata e Posaçme e Apelit kundër Korrupsionit dhe Krimit të Organizuar (SPAK) ka vendosur ta rikthejë në detyrë anëtarin e KPA, Luan Dacin.
Ky i fundit u pezullua nga SPAK me argumentin se ka kryer falsifikim dokumentesh, duke fshehur shkarkimin si gjyqtar.
Gjykata e Posaçme vendosi pezullimin nga detyra të Luan Dacit, më 24 maj, duke konfirmuar vendimin e datës 20 maj, të SPAK-ut.
Por me vendimin e sotëm të Gjykatës së Posaçme Antikorrupsion, gjyqtari Daci rikthehet në detyrë.
Hetimet për të do vijojnë ende, por kjo nuk do ta pengojë atë të ushtrojë detyrën pranë KPA. Daci akuzohet se ka fshehur shkarkimin nga detyra e gjyqtarit në vitin 1997, nga dosja e aplikimit për komisioner të KPA-së.
