Pas përjashtimit nga gara për përfaqësuese e prokurorëve në Këshillin e Lartë të Prokurorisë, prokurorja e Krimeve të Rënda, Donika Prela, i bën një tjetër kërkesë këtij institucioni.
Mësohet se prokurorja Prela ka kërkuar të emërohet prokurore në Gjykatën e Apelit.
“Pas shkrirjes së Krimeve e krijimit të SPAK më emëroni në Apel. Nëse s’ka hapësirë në Apel, më emëroni në Prokurorinë e Përgjithshme”, thuhet në kërkesën e Prelës.
Kjo kërkesë mësohet të jetë depozituar që në fillim të tetorit, teksa ende nuk është marrë një vendim zyrtar për këtë çështje.
