Kosova

LDK kërkon rinumërim të votave në shkallë vendi


               Publikuar në : 12:30 - 08/10/19 Gentjan Progni

Nuk është vetëm Partia Demokratike e Kosovës, ajo e cila po kërkon rinumërim. Edhe Lidhja Demokratike e Kosovës po kërkon nga PZAP që të bëjnë rinumërimin e votave. Lidhja Demokratike pretendon se është bërë një gabim teknik në formularët e KQZ’së, prandaj kërkon përmes një kërkese që ka dorëzuar në PZAP, rinumërim të votave në shkallë vendi.

Kandidati për deputet ng LDK’ja dhe anëtar i shtabit zgjedhor nga ky subjekt politik, Florian Dushi, e konfirmoi kërkesën e LDK-së. “Ne kemi kërkuar rinumërim në shkallë vendi. Se gabimi ka ndodhur në shkallë vendi. Pra në të gjithë Kosovën. Fjala është për një gabim teknik por që mund të ndikojnë në rezultatin e zgjedhjeve. Gjatë përshkrimit të rezultateve në formular ka pas lëvizje të renditjeve të partive. Ne kemi kërkua me u rinumërua votat edhe me u përshkrua në formularët e rijnë”, ka deklaruar anëtari i shtabit zgjedhor të LDK’së, Florian Dushi.

Përvec LDK’së në PZAP është ankuar edhe NISMA e Fatmir Limajt.

Ankesat e këtyre tri subjekteve politike u konfirmuan nga Express, Mul Desku, kryesues në PZAP, i cili tha: “Mund t’iu konfirmoj se i kemi marrë tri ankesa, pra LDK, PDK dhe NISMA. Ata po thonë që ka pasur parregullsi që i kanë evidentuar. Ata kanë dorëzuar ankesa që m’i korrigju ato parregullsi.” Desku tha gjithashtu se pretendimet e tyre janë se në zonat ku ata kane qenë të sigurt që kanë pasur vota, i janë deleguar një subjekti tjetër politik.

PZAP ka kohë 72 orë për të vendosur lidhur me këto tri ankesa.

 

Kthehu
WhatsApp Denonco ne TT