Byroja e Kuvendit ka shqyrtuar sot ankesën e deputetit, Kujtim Gjuzi, i cili ka kundërshtuar përjashtimin me 10 ditë nga seancat e Kuvendit.
Në përfundim të mbledhjes, Byroja e Kuvendit vendosi përjashtimin e deputetit Gjuzi deri më datë 1 korrik.
Kryetari i Kuvendit, Gramoz Ruçi vendosi për përjashtimin e deputetit nga Kuvendi, për shkak të shkeljes së etikës.
NJOFTIMI
Sipas Urdhërit të Kryetarit të Kuvendit, z. Gramoz Ruçi, Nr. 31, datë 26.06.2020, sot u zhvillua mbledhja e Byrosë së Kuvendit, për shqyrtimin e ankesës së deputetit Kujtim Gjuzi kundër vendimit nr. 12, datë 23.06.2020, të Sekretariatit për Procedurat, Votimet dhe Etikën “Për marrjen e masës disiplinore ndaj deputetit Kujtim Gjuzi “Përjashtim nga pjesëmarrja në komisione dhe/ose seancë plenare për 10 (dhjetë) ditë”.
Byroja vendosi përjashtimin e deputetit Kujtim Gjuzi nga pjesëmarrja në komisione dhe/ose seancë plenare deri më datë 1 Korrik.
