Këngëtarja Demi Lovato jo vetëm që ka gjetur dashurinë, por edhe është martuar. Në muajin mars ajo nisi romancën e saj me partnerin e ri, aktorin Max Ehrich.
Për të mos qëndruar larg njëri-tjetrit, Demi dhe Max vendosën ta kalojnë së bashku izolimin.
Kjo periudhë duket se i ka bërë edhe më të pandashëm. Ata i kanë dhënë fund beqarisë. Këngëtarja ka dhënë lajmin e martesës, ndërsa shprehet se është e gatshme për të krijuar familje.
“E dija që do të të doja që në momentin e parë që të pashë. Ishte diçka që s’mund ta përshkruaj me fjalë dhe nuk e kuptojnë ata që nuk e kanë përjetuar vetë.
Unë fatmirësisht po e përjetoj. S’kam dashur kurrë njeri pa kushte kështu siç të dua ty (përveç prindërve). S’më ke bërë asnjëherë presion të jem dikush tjetër, veç asaj që jam. Më bën të nxjerr më të mirën time. Jam e lumtur që pranova të martohem me ty. Jam gati të krijoj familjen time me ty. Do të të dua përgjithmonë…”, shkruan ajo.
