Gazetarja gjermane Susanna Ohlen është pushuar nga puna, pasi u shtir sikur po ndihmonte në pastrimin e vendit, pas përmbytjeve masive ku dhe pati viktima. Ajo u filmua nga një person që ndodhej në atë zonë, teksa pretendonte se kishte dhënë kontributin e saj në përpjekjet për pastrim në Bad Münstereifel, pas përmbytjeve ku humbën jetën 128 persona.
Prezantuesja gjermane ka kërkuar falje, pasi u kap duke hedhur baltë në rrobat e saj disa momente para se të dilte në televizion, nga një qytet i shkatërruar nga përmbytjet e javës së kaluar.
Susanna Ohlen, 39-vjeç, tha se veproi në atë formë pasi kishte ndjerë “turp” kur raportoi nga qyteti me rrobat e saj të pastra.
Transmetuesi RTL tha se ajo ishte pezulluar për shkelje të standardeve të saj, pasi video u bë virale. Në një deklaratë, zonja Ohlen tha se ajo kishte bërë një “gabim të rëndë”.
Ajo kishte raportuar nga Bad Münstereifel në Nordrhein-Westfalen, ku reshjet rekord të shiut shkatërruan shtëpi dhe lanë dhjetëra të vdekur javën e kaluar. Nga përmbytjet në Gjermani humbën jetën 170 persona, ndërsa dëmet ishin kolosale. Ende nuk dihet fati i dhjetra personave, ndërsa operacionet e pastrimit vazhdojnë.
Burimi i lajmit: BBC. Përshtati Tirana Today
