Aktori i njohur turk, Özcan Deniz, i ka dhënë fund martesës së shkurtër me Feyza Aktan, me të cilën ka edhe një djalë, Kuzey Deniz.
Shkak janë bërë shpenzimet e tepërta të gruas. Sipas mediave, bashkëshortja ka harxhuar aq shumë para, sa aktori është detyruar të mbyllë llogaritë bankare, si dhe t’ja marrë të gjitha kartat e kreditit.
Prej ndarjes, ai prej një kohe të gjatë nuk është pjesë e ndonjë seriali të ri, me gjithë propozimet e shumë producentëve të njohur.
Por lajme të mira vijnë për fansat e tij. Aktori i njohur për rolin e Kahramanit në serialin “Një pjesë e imja”, ka firmosur kontratën për të qenë protagonist në një serial të ri, së bashku me aktoren İrem Helvacıoğlu.
Özcan Deniz dhe İrem Helvacıoğlu do të jenë partnerë në serialin “Seni Çok Bekledim”, që pritet të fillojë xhirimet së shpejti.
