Autori i vrasjes së trefishtë në fshatin Shëlli të Matit, pritet që të dalë para gjykatës, për t’i komunikuar masën e sigurisë. Thuhet se autori nuk ka shfaqur pendesë për krimin e kryer.
Kujtim Koxha ka pyetur efektivët nëse kishte vdekur njeri nga breshëria e plumbave. Më pas ka thënë se ka vepruar drejtë.
“Nuk jam penduar. Ata më qëlluan dhe mua më panë edhe banorë të tjerë se si më qëlluan.
Më fyen para bashkëfshatarëve të mi, dhe unë s’mund ta duroja dot që ata të më tallnin më vonë. Ndaj edhe shkova dhe mora armën”, është shprehur autori në Policinë e Burrelit.
