Gjykata Kundër Krimit dhe Korrupsionit ka caktuar masën e sigurisë “arrest me burg” për pedagogun e Korçës, Alket Dino dhe për sekserin, Xhevi Dervishi. Pedagogu dhe sekseri akuzohen për korrupsion.
Të dy u arrestuan pranë Fakultetit, teksa iu gjetën edhe një sasi prej 300 eurosh dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët.
Hetimet janë kryer nga Specialistët për Hetimin kundër Korrupsionit në Drejtorinë Vendore të Policisë Korçë, nën drejtimin e SPAK.
Arrestimi i tyre u bë me urdhër të SPAK, ndërkohë që GJKKO vendosi masën e sigurisë “arrest me burg” për të dy.
Kujtojmë se Dino ka përfituar shuma monetare, në këmbim të dhënies së provimeve për studentët. Sipas të dhënave, Dervishi dyshohet se ka ndërmjetësuar duke ofruar një shumë ndaj pedagogut.
