Një nga mbështetëset e Partisë Demokratike ka folur para pak minutash për mediat lidhur me incidentin që ndodhi dje, ku dhjetëra militantë u paraqitën në spital.
Sipas zonjës që shihni në foto, ajo fillimisht ka pasur kruajtje të syve, ndërsa me kalimin e kohës gjendja është bërë më kritike.
“Nuk shof fare”, tha ajo para medies, ndërsa shtoi se kjo nuk është mënyra e duhur për të fituar vota, duke akuzuar drejtpërdrejtë PS-në lidhur me incidentin:
“Kam qenë gjysmë metri larg Lulzim Bashës. Kisha kruajtje të syve, por mendova se është nga era. Shkova në shpi, isha akoma më keq. Pa zbardh kam shku në spital. Nuk shof fare, ja si po dridhem. Kam patur probleme edhe me frymëmarrjen. Kështu do i fitojnë votat kta të PS-së?”
Ndërkohë, nga PD nuk ka pasur një reagim zyrtar, por burime brenda selisë blu janë shprehur se nuk kanë pasur lëndë toksike me vete. Ndërsa për sa i përket tullumbaceve të lëshuara, brenda selisë blu thuhet së ato kanë qenë 30 metra larg podiumit dhe nuk janë shkaktare të këtij incidenti.
Regjistri i urgjencave të mbrëmshme është sekuestruar nga policia. I vetmi reagim zyrtar i PD-së është njoftimi për anulimin e takimeve të Bashës me qytetarë në Divjakë, Lushnje dhe Roskovec./ Tirana Today
