Një eksperiencë e re pritet që të nisë për Kastro Zizon. Ai më herët ka zbuluar se këtë sezon të ri televiziv, programi i tij “Late Nigh Show” nuk do të ishte më pjesë e Rtv Ora. Gjithashtu ai u shpreh se kishte gati disa projekte, në të cilat me shumë mundësi do të qëndrohej në prapaskenë si autor, regjizor apo producent. “News 31.al” ka zbuluar se Kastro do të rikthehet shumë shpejt, dhe projekti që do të sjellë mban emrin “Urta Fest”. Projekti i ri i tij pritet të nisë në javën e dytë të marsit, megjithatë ende nuk është vendosur se në cilin televizion do të transmetohet.
Burime pranë Kastros bëjnë me dije se ky do të jetë një kompeticion i dedikuar tërësisht promovimit të rrymës hip-hop, reggae, reggaeton e dance hall, dhe do të jetë i ndarë në dy faza. E para do të zhvillohet në një studio muzikore të adaptuar, ku artistët pjesmarrës do të prezantojnë projektet e tyre dhe do të kenë gjithashtu një hapsirë për të bërë freestyle. Ndërkohë që faza e dytë nis 3 javë më vonë, kur nis dhe konkurimi i vërtetë, që pritet të zgjasë në tërësi 12 javë.
